Mien Droom

Ik wull,ik wär de Wiehnachtsmann,

denn har ik `n rooden Mantel an,

langschäftig Steepel blank un swatt,

`ne warme Mütz mit Pelzbesatz.

Un langs den Rüch dar hang mi rünner,

`n Sack vull Speeltüch för de Kinner.

Peepernööt,Appeln un Mattepan

schleep ik för de lütten Rackers an,

un beit sülbens ok af un an

`n lütt Stück aff vun Peeperkokenmann.

Elkeen Göör wör ik beschenken

nich een vergeeten,an alle denken :

Dar een Holtpeerd,dar een Popp,

för Ernas Kasper `n niegen Kopp.

Mi makt dat Schenken so veel Freid,

as`t sünst op Erd bix anners deiht.

Denn löppt mi`t ieskold övern Rüch,

ik denk an miene Kinnertied.

An uns heel smucken Dannenboom

un hochop Schnee ! - Dat is mien Droom.